يعني شنو ذ,,ئبق؟
يعني شنو ذئبق؟ 🔴ده عنصر كيميائي…تقيل جدا جدا….سائل في درجة حرارة الغر,,فة… و لو مسكت ليك قارورة صغيرة بتاعت ذئبق عشان ترفعها لي فوق..ممكن عضلات يدك توجعك..لونو فضي لامع..كثافتو عالية..بتفاعل مع الهواء..ومع بعض الاحماض والمعادن…
📌انواعو كتيرة..وكلها سامة لو اتعرضت ليها تعرض مباشر…
📌طبعا الذئبق ده موجود في كتير من المستحضرات..زي بتاعت التجميل…او بطاريات السيارات…والاجهزة الطبية زي مقياس درجة الحرارة الزئبقي… عشان كده وجب الحذر حين التعامل معاهو مباشرة…
📌ممكن يتشم.. يتبلع… لو لامس جلدك ساي برضو دي اشكالية..
📌بيعمل ليك مشاكل في الكلى..والجهاز الهضمي والعصبي…
الحوامل ممكن يجهضن..او يلدن اطفال مشوهين..وده بيزيد كل ما زادت نسبة التعرض للزئبق…
📌الزئبق ضمن العناصر اللي بتأثر ع النمو العقلي للرضع…بي شكل كبير… وعشان كده برضو بننصح المرضعات انهن يبعدن عن الأماكن اللي فيها الزئبق…لانو بينتقل عن طريق الرضاعة ….
📌تأثير الزئبق عليك..بكون ع حسب الكمياات اللي انت اتعرضت ليها بمرور الزمن…..
بيأثر ع ذاكرتك..بيأثر ع تركيزك..بيعمل ليك رعشة مستمرة في اليدين..بيقلل ساعاات نومك ويصيبك الارق…
📌بزيد ضغط الد,,م…يتسبب ليك بمشاكل في الكلى…بيعمل ليك تساقط في الشعر..وبجيك احساس طعم معدني في فمك ب استمرار…
ليه فوق نحن قلنا مناطق السيول والتعدين؟🤷🏿🤷🏿🤷🏿
الزئبق بيتواجد في البيئة اللي بستخدموهو فيها ب اشكال كتيرة ويعتبر من ضمن ملوثات التربة… في المناطق دي تحديدا اكتر عرضة..وكذلك الامطار والسيول..بتجي تفاقم الاسكالية دي…
🔴ف لو حسيت ب الاعراض اياها..او بتشك في انك انت قريب لي مناطق التعدين اللي جرفها السيل لازم تحذر وانت بتشرب الماء فقد يكون ملوث..
الجدير بالذكر حتى الحيوانات المائية زي الاسماك…بتتحتفظ بي نسب قد تكون كبيرة من الزئبق…في جسمها..عشان كده بننصح انو انسان المناطق المعينة…المعرضة.. يقلل من اكل الاسماك بي كميات كبيرة…
🟢اذا حسيت ب الاعراض دي…لازم تراجع مقدمي الرعاية الصحية في اقرب وقت..وتفحص…
حتقول لي يفحصو لي شنو؟
بقول ليك بفحصو ليك وجود الزئبق في دمك ذاتو..اساسا في نسبة قليلة مسموح بيها دي بتتلقي في الطعام…
بس النسب الكبيرة اللي بتجي مع التلوث دي غير مسموح بيها وقاتلة تماما… للكل في البيئة ع مرور الزمن…
🔴ماننسى سبل الوقاية
لازم تعرف مصدر الموية اللي عندك…وماتشرب ليك موية انت بتعتقد انها ملوثة ب الزئبق…
لو انت سائق سيارة ..لما تجي تتعامل مع البطاريات اللي عندك البس في يدينك حاجة واقية..لانو انت هنا كده بتتعرض للزئق برضو…
ربنا يحفظكم…ويسلمكم..ويحفظ ذويكم..